Мар сярысь шыпырто беризьёс.
Мар сярысь шыпырто беризьёс.
Аръёс ортчемъя кыдёке кылё Бадӟым ожлэн бервылъёсыз. Секыт аръёс Тюар гуртлэсь но палэнэтӥ ӧз ортче. Кылем арын пусйимы 70 ар тырмемэзэ (Победы над фашисткой Германией. Туэ 75 ар тырмиз Бадӟым ож пуромем дырысен.
Туж секыт улон сётиськиз со дыре вань калыклы. Одиг семья пыр но потытэк оз кыльы куректон. Колхозысь но гуртысь но ужез быдэстоно луиз кышноослы но нылпиослы. Шимес война ортчем бере, вылӥ кивалтисьёс синйылтытэк ӧз кельтэ война вылтӥ ужась калыкез. Шуд усиз шедьтыны (список лиц награждённых медалью «За доблестный труд в ВОВ 1941 – 1945 гг.»
Бадӟым ож вакытэ ужам гуртоосмылы сӥзьыса, клуб доры мерттӥмы беризьёс (оформили папку со списком) Та списоын 104 адями, кытын гожтэмын кӧня ар, но кин луыса ужазы колхозын.
Вань гожтэмъёс пӧлысь одигез гинэ вань на – Августа Фёдоровна Перевозчикова. Туспуктэм вылын Августа Фёдоровна нылъёсыныз, нунокъёсыныз но эмеспиеныз. Тодаз вайе Августа Фёдоровна: «Куать арескысен ик анае сьӧры бусые пинал возьманы ветлӥ, кызлэн вай вылаз ошем зубкаез веттасько вал, нош анае ара. Тямыс арес луиз но яслие ужаны ыстӥзы. Пиналъёс трос кузя ветлӥзы яслие. Пичияк нянь но чечыен чай шеде вал милем. Нянь туж ческыт пыжизы. Ма быдӟа шумпотон: аслам ужаменым кӧты тыре. Медаль сётыкузы кызь одӥг арес вал. Медальлы шумпотонэз соку ӧм на валалэ: « Ма таин каром шуиськом эшъёсыным, сётэ вал кыӵе ке брошки, солы туж шумпотысалмы». Ми быдэ вуэмынэсь, чеберез валаськом ни, дӥсяськем но тузӥ потэ. 1937 арын ю-нянь удалтиз, соку араны ветлӥсько вал ини, ужаммы понна пичияк пызь сётизы. Нянь но сием потэ. Озьы ке но, со пызез городэ вузаса, чебер басма басьтыса, дэрем вуртытӥ».
