Тани со кыӵе милям выжыосмы.
Тани со кыӵе милям выжыосмы.
Шулдыр гужем нуналэ, ас выжызэс гажаса но тунсыкъяськыса, огазе люкаськылизы Гуменниковъёс, Семёновъёс но Туровъёс.
Калыкын шуо – «выжытэк писпу уг буды». Котькуд адямилэн, писпулэн сямен ик, аслаз выжыез вань. Адямилэн улоназ вуэ нунал, ку со аслэсьтыз юа: «Кин мон, кыӵе выжыысь потэмын?». Выжызэ тодыса, адями кужмогес луэ, юнгес музъем вылын сылэ. Угось, азьпала йыгмыт учкон понна, тодоно ортчемзэ, одно ик вашкалазэ.
Та эскерон-чаклан уж бордын ужаса, мон валай, макем тунсыко вылэм, аслэсьтыд выжыостэ тодӥськод ке. Вашкалазэ тодыса, аслэсьтыд сямдэ юнгес валаны кутскиськод. Нош калыкед, выжыед сярысь тодытэк, улонын кин луэмдэ валалод меда?! Озьы ик та шедьтэм тодонъёс азьпала выль инъетъёс, ужпумъёс пуктыны, семьяед шоры мукет синмын учкыны юртто.
Мар со сыӵе семья? Со – юрт, со анай но атай, песянай, песятай, яратон но сюлмаськон, уж но шумпотон, кайгу, куректон но сямйылолъёс. Семья сярысь таӵе веран – легенда вань: «Туж кемалась, вашкала дыре, улэм одӥг семья. Улӥллям туж тупаса, ог-огзэс гажаса но валаса. Та шудо семья сярысь ивор кыдёке вӧлмем. Вылӥ кивалтись юа йырзылэсь: «Кызьы тӥ быгатиськоды туж тупаса, куспады керетытэк, ог-огдэс вӧсь карытэк улыны?» Песятай кутӥз бумага но мар ке но гожтӥз. Кивалтӥсь лыдӟиз но абдраз: сю пол гожтэмын одӥг гинэ кыл «понимание» (ог — огдэ валаса улон)».
Вашкала дыръя каторгаысь документъёстэк, пегӟыкузы, полиция улэ шедьыкузы, вань пегӟисьёс верало вылэм нимзэс «Иван» шуыса, кытысь но кин луэмзэс, пе, вунэтӥм. Ваь пегӟисьёс огкадь ним верало вылэм семьязэс, ӵыжы-выжызэс медаз утчалэ, медаз вӧсь каре шуыса».Токма шорысь гинэ та нимез каторжникъёс ӧвӧл кутӥллям, со дыре «Иван» ним вӧлмемын вылэм котькытын. Нош полициын протоколазы озьы ик, пе, гожто вылэм: «Иван не помнящий родства». Тӥни отысь ик веран потэмын: «Иван не помнящий родства».
Та веранэз лыдӟыса, вашкалаосмес гажаса, сӥлы карыса, ог-огмес валаса улыны тыршоно вылэм. Медаз вералэ асьмеос сярысь: «Выжызэс вунэтэм Иванъёс».
Нош мае тодӥськом асьмеос семьямы сярысь? Кытысь потэмын фамилиямы?
Жаляса верано, али дыре, куке семьяос азьло кадь юнэсь но бадӟымесь
ӧвӧл ни, туж матысь ӵыжы-выжызэс вунэто. Бадӟым семьяын нылпи тупаса, эшъяськыса, будэ, вань ужзэс быгатэмзыъя ӵош лэсьто. Тазьы вераны луысал берло ужрадысьтымы, Бадӟым Педорлэн,
Туроъёслэн выжыысьтызы, Галина Фёдоровна но Анатолий Егорович Юферевъёслэн дас одиг нылпиоссы сярысь. Та пумиськонэ но соос дэмен, капчи мылкыдын, трос кузя вуизы.
