Шаркан ёросысь «Удмурт кенеш» огазеяськонлэн быръён – йылпумъян конференциез.

Шаркан ёросысь «Удмурт кенеш» мер огазеяськон ёросысь удмуртъёслэн бадӟым инты басьтэ.

Удмуртъёслэн огазеяськонъёссы пӧлысь тужгес но оскымонэз, тодмоэз но йӧноэз луэ.

26 – тӥ шуркынмонэ Сосновка черкогуртын выль культура юртын ортчиз Шаркан ёросысь «Удмурт кенеш» огазеяськонлэн быръён – йылпумъян конференциез. Шулдыр удмурт крезьгуръёсын ӧтчам куноосты пумитазы егит арганчиос.

Пырон азьын ик возьматэмын удмурт книгаосын адӟытон «Удмуртия – мынам ошмесо шаере» Издательство «Удмуртия». Сое дасяз Ф.Г.Широбокова Сосновка черкогуртысь библиотекарь.

Тодмо удмурт писатель В.В.Котков, куноосты тодматӥз выль книгаосыныз. Радъямын удмурт «Кенеш» но «Кизили» журналъёслы гожтӥськон. Ӧтчам делегатъёс пӧлын вал Шаркан ёросысь библиотекаръёс но. Валче кенешыса Шаркан ёросысь «Удмурт кенешлы» кивалтӥсьсэ ньыль арлы бырйизы Е.Л.Перевозчиковаез.

Кылдытӥсьёс:

Е.Н.Кожевникова – Шаркан черкогуртысь лыдӟиськонниысь методист.

И.П.Воронцова – Шаркан черкогуртысь лыдӟиськонниысь библиотекарь.